 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Толькі балота ня здрадзіць ніколі.
Прыме тваю адбалелую душу.
Сьвет патанае ў самоце паволі.
Гіне краіна паэтаў нядужых.
Толькі балота ня здрадзіць...
У нэтрах
Шчыра схавае і зьвера, і князя.
Подых дрыгвы пад дарогаю шэрай –
Штучная скура асфальту ўзьнялася.
Толькі балота...
А што застаецца
Нам у нявернай смузе верасьнёвай?
Гаці гаціць непакорлівым вецьцем,
Покуль зьбіраюцца ў замку на ловы?
Толькі... Над глебай, парослай крыжамі,
Лётае сіні балотны агеньчык.
Толькі цікуе дрыгва пад нагамі,
Покуль з дарогі саступіш у вечнасьць.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
